பழக்கவழக்கம்

நேரத்தை மிச்சப்படுத்து தவறுகள் ஏற்படாமல் தவிர்க்க உங்கள் சோம்பேறித்தனங்கள் செயலை பாதிக்காமலிருக்க கூடியவரை செயல்களை தானியங்கி ஆக்குங்கள்!

மனித இனமே உணர்வுநிலை சார்ந்த ஒன்றுதான்! எல்லாவற்றிலும் உணர்வுகளின் தாக்கம்தான் இங்கு அதிகம்! பல தோல்விகளின் காரணமே உணர்ச்சிப்பெருக்குதான்!

ஒற்றுமையில் வேற்றுமை காண்பது ஒரு கலாச்சாரம்; வேற்றுமையில் ஒற்றுமை காண்பது ஒரு கலாச்சாரம்!

விஞ்ஞானமும் பொதுஅறிவுதான்! மெய்ஞானமும் பொதுஅறிவுதான்! பொதுஅறிவை கவனித்தவன் வெல்கிறான்! பொதுஅறிவை கவனிக்காதவன் தோற்கிறான்!

ஒன்றைச் செய்துகொண்டிருக்கும்போது ஒன்பது புதிய வேலைகள் வருகின்றன; செய்வதில் கவனம் செலுத்தாமல் புதியவற்றிற்கு தாவினால் இருப்பதும் முடிவதில்லை

வெற்றியை சமைக்க, வலிகளை அறுப்போம்! வலிகளை குறைக்க திட்டமிட்டு உழைப்போம்! உழைப்பு மட்டுமே வெற்றியின் ஆணித்தரமான பாதை!

தொடர்ந்து வாடிக்கையாளர் எண்ணிக்கையும், விசுவாசமும் அதிகரிக்க அதிகரிக்க நிறுவனத்தின் வியாபாரமும், எதிர்காலமும் மேலும் வழுவடையும்!!

நிபுணத்துவத்திற்கு 10,000 மணிநேர பயிற்சியென்பது வேதவாக்கல்ல! ஒரு சராசரி அளவுகோல் மட்டுமே! எவ்வளவு தூரம் நீங்கள் பயிற்சித்திருக்கிறீர்கள்!

சமுதாயத்தில் நிறைய இடங்களில் பணம் பேசும் – ஆனால் அது என்றைக்கும் நிரந்தரமாக இருக்க முடியாது! குணம் மட்டும் பேசும் இடங்களில் பணம் காகிதம்தா்

ஓயாமல் ஓடுபவருக்கு மட்டுமே வெற்றி சொந்தம்; கால்வலிக்கிறது, உடல் களைத்துவிட்டது என்பவருக்கு வந்த இடம் மட்டுமே மிச்சம்!!

எல்லா பெரிய வெற்றியின் பின்னும் ஒரு தலைமையின் கனவும், ஆளுமையும் அடிப்படை தேவையாகிறது! அந்த தலைமையை எற்கும் பண்புகள் உங்களிடம் இருக்கின்றனவா!

பணத்தால் நிம்மதியில்லை என்று பணக்காரர்கள் வாய்கிழியச் சொல்வார்கள் – ஆனால் அதை தூக்கியெரிய யாரும் முன்வர மாட்டார்கள்!

தினம் முழுவதும் கவலைப்பட்டு கவலையினால் உடலை வருத்தி வாழ்க்கையும் கவலையும் ஒன்றாக்கினால் வாழ்வதன் பொருளே கவலையாகிவிடும்!

கட்டுப்படுத்த முடிபவைகள் எது? முடியாதவைகள் எது? என்பது உங்கள் கண்ணோட்டத்தில் இருக்கிறது. எதையும் கடக்கும் தைரியம் உங்களிடம் இருக்கிறதா?

“இருக்கிறது”, “முடியும்” என்ற நம்பிக்கையோடு உங்கள் செயல்பாடுகள் துவங்கினால் வெற்றிக்கான கதவுகள் தானாய் திறக்கும்!

ஏமாறுபவர்கள் இருக்கும்வரை ஏமாற்றுபவர்கள் இருக்கத்தான் செய்வார்கள்! நீங்கள் ஏமாற்றவும் வேண்டாம் யாரிடமும் ஏமாறவும் வேண்டாம்!!

குறுகிய கால நோக்குடன் செயல்பட்டு வீழ்வது உங்கள் நோக்கமா? சமுதாய அக்கறையுடன் உங்கள் வியாபாரம் தலைமுறைக்கும் நீடித்திருக்க ஆசையா?

தேவையானதை பத்திரப்படுத்துங்கள் தேவையற்றதை சீக்கிரத்தில் கழித்துவிடுங்கள் இது பொருள், நேரம், மனிதர்கள் என்று எல்லாவற்றிற்கும் பொதுவானதுதான்!

கையில் சாப்பிடும் தாத்தாவும் கரண்டியில் சாப்பிடும் பேரனும் ஒருசேர வருவதால், எல்லாவற்றையும் அனுசரிக்கும் விதத்தில் வியாபாரத்தை கட்டமையுங்கள்

காப்பீடு செய்கிறீர்கள்; எவ்வளவு தொகைக்கு? என்னென்ன அபாயங்களுக்கு? காப்பீட்டு பத்திரத்திலுள்ள சரத்து-சாராம்சங்கள் என்னென்ன தெரியுமா?